Pages

Thursday, May 14, 2009

ഹോസ്റ്റല്‍ ഡെയ്സ് - പരോപകാരമേ പുണ്യം..

ഡിഗ്രീ അവസാനവര്‍ഷം ഭാരതാംബയുടെ നാമത്തിലുള്ള ഒരു കോളേജില്‍ ,  സമീപത്തുള്ള കന്യാസ്ത്രി അമ്മമാര്‍ നടത്തുന്ന ഹോസ്റ്റലില്‍ ജീവിതം. അവസാന നാളുകളില്‍ സുവോളൊജിക്കാര്‍ക്ക് സ്പെസിമെന്‍ കളക്ഷന്‍ , അതായത് ഒരു നിശ്ചിത നമ്പര്‍ ജീവികളെ പിടിച്ചു ഫോര്‍മാലിന്‍ ലായനിയില്‍ ഇട്ടു അവരുടെ എച്ച്ചോടി ക്ക് സമര്‍പ്പിക്കണം. "  അയ്യോ എനിക്ക് സ്പെസിമന്‍തികഞ്ഞിട്ടില്ലേ  " എന്നുള്ള അനുവിന്റെ പതിവു കരച്ചിലും കേട്ടാണ്  അന്ന് രാവിലെയും രാവിലെ ഹോസ്റ്റലില്‍ നിന്നും  ഇറങ്ങിയത് .തിരിച്ചു വരുന്നവഴി നാണിയുടെ മില്‍മയുടെ മുന്‍പില്‍ ഒരു പാമ്പ് മരിച്ചുകിടക്കുന്നു. യീ കാഴ്ച എന്നിലെ പരോപകാരിയെ ഉണര്‍ത്തി . ഞാന്‍ ഉറക്കെ ചിന്തിച്ച്   " രാവിലെ ഒരുത്തി വലിയവായിലെ കരയുന്നത് കേട്ടതാ ... ഇതിനെ കൊണ്ടേകൊടുത്ത അവള്‍ക്ക് തല ( ഹെഡ് ഓഫ് ദി ...) വക അഭിനന്ദനങ്ങള്‍ .  പാമ്പിനെ അങ്ങിനെ സ്പെസിമന്‍ ആക്കാന്‍ കിട്ടില്ലല്ലോ " സൂവോലാജി ലാബിന്റെ മുന്നിലൂടെ നടന്നപ്പോ കുപ്പീ കിടന്ന പാമ്പിനെ കണ്ടതും ആ അവസരത്തില്‍ എനിക്ക് ഓര്‍മ വന്നു .  പാമ്പിനെ സമര്‍പ്പിക്കുന്നത് മുഖേന അവള്‍ വഴി എനിക്ക് കിട്ടാന്‍ പോകുന്ന അഭിനന്ദനങ്ങളും ഞാന്‍  അത്തരുണത്തില്‍ മുന്‍കൂട്ടി കണ്ടു ." എന്നാലും , കൂട്ടുകാരായി ഇത്രേം പേര്‍ ഉണ്ടായിട്ടും എനിക്കൊരു സ്പെസിമെന്‍ഒപ്പിച്ചു തരാന്‍ നീയെ ഉള്ളല്ലോ എന്നൊക്കെ അനു പറഞ്ഞേക്കും എന്ന് കരുതി ഞാന്‍ അഭിമാന പുളകിത ആവാന്‍ തയ്യാറെടുത്ത് . വഴീക്കിടന്ന ശീമാടികവരില്‍ ( കവര്‍ ഫ്രം ശീമാട്ടി ) കൂടെയുണ്ടായിരുന്ന കൂട്ടുകാരുടെ  സഹായത്താല്‍ ഒരുകോലും കൊണ്ടു പാമ്പിനെ നിക്ഷേപിച്ചു   . ആരൊക്കെയോ എന്നെ ചീത്ത വിളിച്ചു , ഇവള്‍ക്ക് വട്ടാണ് ...
വലിയ പ്രതീക്ഷയോടെ ഹോസ്റ്റലില്‍ ചെന്നു .അഭിമാനത്തോടെ അനുവിന് ശീമാട്ടിക്കവര്‍ നീട്ടി ....

പക്ഷെ ....കണ്ണിച്ചോരയില്ലാതെ അവള്‍ ചോദിച്ചു ....
" ഈ പാമ്പിനെ സ്പെസിമന്‍ ആക്കാന്‍ ഫോര്‍മാലിന്‍ നിന്റെ അപ്പന്‍ കൊണ്ടുവന്നു തരുംമോ ? "

വാല്‍ക്കഷ്ണം : എന്നെ ചീത്ത പറഞ്ഞവളുടെ സഹായത്താല്‍ ഹോസ്റ്റല്‍ പറമ്പില്‍ കുഴി എടുത്തു..
അതിനെ സംസ്കരിച്ചു.ഇവള്‍ ഇതും ഇതില്‍ അപ്പുറോം ചെയ്യും  എന്നാ മുഖഭാവത്തോടെ  വാര്‍ഡന്‍ അമ്മ എന്റെ ചെയ്തികള്‍ നോക്കി നിന്നിരുന്നുവെന്ന്  ദൃക്സാക്ഷികള്‍ പിന്നീട് റിപ്പോര്‍ട ചെയ്ത് .  പറയുമ്പോ എല്ലാം പറയണമല്ലോ അത് സാമാന്യം നല്ല വലിപ്പമുണ്ടായിരുന്ന ഒരു ചേരയോ മറ്റോ ആയിരുന്നു . ഏകദേശം ഒരു ഒന്നോന്നെര കിലോ ഉണ്ടായിരുന്നു. . അനാഥ പെറുക്കി എന്ന എന്റെ നിക്ക് നെയിം ഒന്നോടെ സ്ട്രോങ്ങ്‌ ആയി.സ്പെസിമെന്‍ എന്നുദ്ദേശിച്ചത് ചെറിയ ജീവികള്‍ ആയിരുന്നു ( പല്ലി , വാല്‍മാക്രി ) .ഇതറിയാതെ ആണ് ഭൌതികശാസ്ത്രം പഠിക്കുന്ന (?) ഞാന്‍ പരോപകാരത്തിന് ഒരുങ്ങിയത് !

5 comments:

വിഷ്ണു | Vishnu said...

അത് കലക്കി...
ഞാന്‍ ഭൌതിക ശാസ്ത്രം പടികാഞ്ഞത് എത്രയോ ഭാഗ്യം......

ചേച്ചിപ്പെണ്ണ്‍ said...

Vishnu , vayanakku nandi :

zoologykkariye last year kandu ( She is in USA now)
At her brother's marriage. (after 12 years)
we shared old memories

Bijith :|: ബിജിത്‌ said...

Pambayathu bhagyam.. Valla vandi thatti chatha nayo matto aayirunnel... Seemati coverinu evide pokum ???? Ennalum upakaaram cheyyathe pattulloo enna vashi kuranju kittiyo... I mean ee durantha upakaarathinu shesham...

Unknown said...

പത്താം ക്ലാസ് കഴിഞ്ഞു നമ്മ ബയോളജി ഭാഗത്തേക്ക് തിരിഞ്ഞു നോക്കീട്ടില്ല ....
ഭാഗ്യം

Viswaprabha said...

" ഈ പാമ്പിനെ സ്പെസിമന്‍ ആക്കാന്‍ ഫോര്‍മാലിന്‍ നിന്റെ അപ്പന്‍ കൊണ്ടുവന്നു തരുംമോ ? "

ഇതു കോപ്പിയടിച്ചാണല്ലേ ഏഷ്യാനെറ്റിലുണ്ടായിരുന്ന വേണു ‘ഓക്സിജൻ നിങ്ങടെ അമ്മാവൻ കൊണ്ടത്തരുമോ” എന്നു ചോദിച്ചതു്?